Tunhnai mai khan ka teammate Pune ami nen kan inhnial chiam mai a. A thusawi tam tak kha dik mahse ka thin a rim tlat a. Kan inhnial dan hetiangin:
(Kan conversation hi Mizo tawng a leh a ni)
Vainu: Nancy, kan office ah hian North-east hmeichhia kawm tur i nei silova, South-Indian ho kawm mai loh chuan duhthlan tur pawh i nei lo a nih hi.
Me: Pawi ka ti hran lo. College ka kal lai atang tawhin ngaiah ka nei tawh.
Vainu: Anih chuan typical North-east hmeichhia ang chuan i khawsa ve lovang a....
Me: Enge typical North-east hmeichhia i tih awmzia?
Vainu: Hei, pawlawh deuh a nung a, pawisak nei lo leh "craze for bikers"
Ka sa tan up up a. Ka ngawi vung vung a.
Vainu: Ka thianten "Thildang thiam lovin, club ah an lam thiam em em ringawt a." an ti a, a ni em ni?
Ka thin a rim tawh lutuk a. Pune ah club a awm leh awm loh pawh ka hre chuang lo va, finfiah pawh ka tum hek lo. Ngawihbo mai ka duh zet a mahse ka thin a rim em avangin ka insum thei bik lova.
Me: Pune nula zawng zawng hi in fel famkim em?
Vainu: Almost all.
Me: A dik ang. Fel loh hlau reng rengin in nun in hmang a, in nu leh pa te hmaah perfect loh in hlau em em bawk. Keini chu kan ni ve lo. Nungchang tha neih leh mi hmaa fel taka awm hi kan tum ber a ni lo.
Vainu: Nu leh pa te in van zah lo em em. Bakah hmeichhe tan chuan nungchang that tluka hlu a awm lo.
Me: Kan nu leh pa te aia zah kan nei lo mahse puitling kan nih tawh chuan "Ti rawh, ti suh" min ti reng lo. Mahni tana tha hre turin kan naupan lai atangin min enkawl daih tawh. Kum 13 kan nihin Mizo hmeichhia te phei chu eirawng kan bawl thei vek tawh, inchhungkhur hna kan thawk thei vek tawh bawk. Nang, choka ah i che thiam em ni? Inchhungkhur hna i thawk thiam em ni? tunah pawh hian
Ngawih a chuh ve ta.
Vainu: Pasal ka neih dawnah ka in zir dawn alawm. Evening class kalna tur a tam mai.
Me: (Nui chungin) Keini chu class zawng zawng a rintlak ber nu leh pa te'n min zirtir vek tawh. Chuvang chuan club a lam chauh lo pawh thildang tam tak thiam kan nei ve e. Tin, bike te pawh lawm deuh pawh an awm ang. Bus tawt deuh chuang ai te chuan tupawn kan thlang vek ang chu....
A nui ringawt. Min chhang peih tawh lo nge pawh ka hre lo. Vai hrim hrim hi ka hnialpui peih ngai lo reng reng a, Mizo society an sawi tawh lek phei chuan ka ngawi mai zel. Mahse tun tum zet chu ngawih har ka ti ve khawp mai. Heti khawp hian ka Mizo pui leh North-east hmeichhe pui te ka lo tan tih pawh ka lo hre ngai hauh lo.
Tlangkawmna: NRMG (Non-Resident Mizo Girls) hi sawisel leh rel chiam te hi bansan deuh ila. Zilh ngai chu hmaichhanah zilh mai tur MAHSE thatna lai leh felna lai te hi kan nei ve teuh a nia.
Subscribe to:
Post Comments (Atom)
13 comments:
Nia ka chunga mi te pahnih sawi khi ka support :D i thin chu lo rim tawh suh seh :)
comment hmasa 2 khi kei pawh ka thlawp khawp mai, an sawi dik chiah.
Tak takin, a hmun ngeia khawsa tan chuan a ngeiawm duh viau ang, mi 2/1 awm tha duh lo avang hian alawm a ram pum buaina pawh a thlen thin. Tuna i hnial ang khan lo hnial zel la, i mizopuite pawh a tam thei ang ber hrilh zel rawh, ralkhata hmu leh hretu ai chuan a hmun ngeia awm te hi in pawimawh ber fo ania.
Keipawh 1st two comments sawi khi ka pawm zawng tak a ni... :-P
Keipawh ka thin a rim... mahse kan nula/tlangval (Mahni chu in dah thra hrilh ila) tam tak hian kan zirlo ve bawk thrin a.. hnamdang lakah hian kan finkhur lo mah mah trhin a.. a nihna ang a an sawi hian kan haw leh bawk si thrin a... Kan tlangval ho lah hi Phai a awm chuan 'Zu' hi heh em em tur a maw ni kan ti gnawt a. Hei hi a chhan pakhat a awm thei. Mizoram ah 'Zu' hi kan hmu khat si a... 'Zu' thra phei chu a awmlo tih theih khawp a ni a.. chuvang chuan intihtheih nan tak hian kan hmang a.. hei hi chu a pawi ka ti.. in dan kan thiam leh thrinh silo a..
Kan nula ho pawh hi thuchah leh thurawn kan pe ve teh ang che u... eng ual chu ni bik lo mah ila.. Vairam awm vang hian Pub/Disco a tam em em tur a maw ti pawl hi an awm tlat a. Hnamdang kawp intithei pawl lah an bo heklo. Hnamdang in hnunglam a min sawi zui dan hi kan haw leh bawk si a. I fimkhur tlang ang u. Hnamdang nupui/pasal neih hi ka sawi ve phak pawh a chuanglo a, ka against bawk hek lo a. Mahse, kan Mizo Nula hnamda\ng ngaihzawng nei tam zawk hi chu an chhar na hi a fuh vaklo thrin chuan ka rhe ve mai mai.
Engdang a nilo. Hnam ah kher kher hi chuan Complexion kan ngah si a.. kan in veng duh leh bawk silo a. A buaianthlak a nih hi. A thra berah chuan midang nundan enlo in mahni threuh hian kan nun danah hian kan Hnam kan chawimawi em? Nge kan ti mualpho tih hi in bihchiang fo thrin ila....
Ka rin ai in ka comment hia sei daih... LOL
Ka sawi ve ni. Ka ngaihdan mawlte ah chuan Mizote hian Western culture hi kan ngaisang in kan follow nasa sia, TV, Internet ah te an lifestyle kan hmu a, kan chak ve, a nawm hmel kan ti. Pub a kal te, free deuha inngaihzawn te, maybe even promiscuity, kan ti ve chak, mahse kan ram leh society zimte ah khian a theih si loh.
Vairam ah kan han awm a, kan zalen ta thut a, pawisa kan lo nei a, khatah tak khan a hmaa kan tihchak kha kan ti ta a, mahse kan theihnghilh thin chu mi hian min lo enchik em em mai a, vai ho hi changkang tak2 chu tam mahse a tam zawk hi chu an la conservative hle tih hi kan hre tawhlo thin a. Bakah a mimal ang pawn, a hnam ang pawn vawikhat hmingchhiat tawh chuan mi in min hmu dik thei tawh lo. Chuvang chuan fimkhur tluk a awm lo.
Tlai a kan lo soi chu vaiho conservative viau si, pung chak viau si hi a ni! Bike a chuan ai chuan car a chuan nuam kan ti zawk i tilo nia :-) Auto a chuan phei chu inhauh ziah a ngai bawk si... Vai-ah pawh a tha an awm a, zo-ah pawh a chhia thil hi generalise loh tur.. I thiannu chu a hawi zau vaklo a nih chu. nangni hi in fel bawk a in pung chak viau bawk si a..enge maw a chhan ni ang le? ti ten i zawt mai mai lo nia. Ka hma mi pahnih te ang hian chinese trawngin hau vak rawh :-) Dam dam lo thinrim toh suh.
I va thinrim hma ve.. :D
Kan hnar ngul tawi pui chuan an van support nasa che ve :) An sawi tha tawp!!
Khitiang khi tawng lo kan awm a nge maw... Delhi ka zinin ka tawhpui lailawk tur Delhi a an post chuan min biak na hmasa ber chu "Delhi ah hian NE nula hralh an tla ber tih i hria em?" tih a ni. Ka nui ringawt, "Anni anga ka hnathawh tur pawh hi hralh tla ber a nih ka beisei" ka ti fiamthu ve ngawt... chhan ngaihna ka hre lo. Mahse rilru a dek zar... ka lawm lo tih erawh a hria, a sawi tawh lo.
Mizo leh NE nula ho hi fel lo tak tak chu kan tam na in vai hmeichhe ho hi ka kawm tam telh telh a, 'keini' aiin a langin lerh lo mahse 'easy' lamah chuan an nasa mah maiin ka hre tawh. In chhung chet ah leh nghat phei chuan i sawi khi dik, hmeichhia tih tlak hi ka la tawng lo. Chu nu chu a hnar ah ballpen tui sen a thai tawk tur che lawm haha
"'keini' aiin a langin lerh lo mahse 'easy' lamah chuan an nasa mah"
Kan Mizo Tlangval easy tak te hian hria se a va tha ve :-)
Ṭawng ṭial ava tam teh nuaih ve, i hnial thiam khawp mai (Y)
Vainu ngaihdan kha dik na chen a awm thei. A lo hriat thrin ho khan an lo zirlo hle tihn ni mai! Ka tran tho che. :-)
Post a Comment