Story of me

Ka pian tirh atanga mi te ngainat leh mi tena an it em em ka ni thin a. Ka thian te zingah chuan hlutna ngah pawl tak ka nih hial ka inring tlat ani.

Ka lo thanglian zel a, mi ten min duhna leh min ngainatna a reh chuang lo.

Amaherawh chu engtik lai emawni atang khan ka hlutna a reh deuh tlat mai. A chhan hriat tumin ka van ruai thin.

Mi ten duh taka min duat dawn lai te hian min ten tlat pawl ka tawng ta fo mai le...

Ka awm dan danglam tak mai chu a chhan ka hre chak hle mai a, mihring te hi an kum a tam ang zel in ka danglam thin tih chu ka naupan lai atanga ka hriat tawh a ni.

Ka thian kawmngaih em em thin te nen pawh kan danglamna avangin kan in lungrual tlang tawh lo chu a ni deuh ber mai.

Tuk khat chu darthlalangah ka in en a, ka phu zawk. Hmul var, nidanga ka neih ngai reng reng loh chu a lo to ta mai. Ka mangang chu upa te ka pun a, anni chuan min chu e kha e sak mang si lo. Ka thla a bar a ni.

Ka hmel te a lo danglam ta hle mai. Ka naupan lai hmel eng(yellow) pit piat chu paih in, hmul var ah ka chang ta der mai.

Ka lungngaih te chu ngaiah ka nei ve ta a, tlemin ka lung a awi ve leh ta deuh. Ka hmel lo danglam ta pawh ka hrethiam ve leh ta ani.

Hun rei pawh a rial hma in danglam takin ka inhmu leh ta a. Keimah kha ka la nih ngei chuan ka in hre si. Aw! Ka va lo mak ta ngai ve mawle...

Rei pawh a rial lo tihah chuan ka hmul eng nalh hnum thlarh mai te kha a lo var ta vek mai a, ka hmel te pawh chu a lo bumro zo ta. Ka lo puitling ve ta tak tak tih ka in hre chhuak ta ani.

Tunah tak chuan mi te tana puar na leh fan na pe tu ka lo ni ta reng mai. Keimah avanga puar taka an awm theihna tur a nih chuan tiin ka nun hlu tak mai chu ka in pe ta a. Pawi ka tih em em mai chu hei hi ani: Ka bawp khing hnih pawh kham lo khawp a, ka thianpa bawp an han khel zui ka hmuh hian ka rilru a na ni.

- Hot Chick