Santa Claus

Kum 1989 kum khan, naupang lian ve tawh tak ka ni a. Christmas hun hi kum tluan a ka thil nghahhleh pawl tak a ni awm e. Tichuan hemi tum pawh hian ka rilru ah chuan dawhthlak a lang lian hle a, 'tunkum chu enge Christmas putar ka dil ang aw??' tiin nitinin ka rilru ka seng thin a.

Ka nu hian 'I mamawh ni a i hriat te chu Pathian hnenah dil ang che' min ti a. 'I dil ho chu min hrilh be bawk ang che' min ti bawk. Ka nu in lo hriat ve duh nachhan phei chu ka hre hauh lo va. Chuan nitin hian Pathian hnenah ka dil thin.

Chuan ni 24 December zan a lo nih chuan, mu hlan ka nghakhlel hle mai a. Ka mut hlana Christmas putar in min pek ngei tura ka duh te chu uluk takin lehkhapuanah kan ziak leh thlap a. Chuan thlamuang tak chuan ka mu ta a.

A tuk zing a lo ni a, khua pawh a la var meuh lo tihah chuan ka tho hlawl mai a. Ka khum bulah chuan a hma zana ka lo ziak thlak ho chu ka hmu thut mai chu le! Pathian awm tak tak hi kan ring khawp a. Ka lawm lutuk chu ka zuang tho a, ka nu khuma a la mu lai chu ka kai tho va, ka thil dawhthlak ho chu kan hmuh vel a, a ni pawh chuan mak ti awm takin, min lawmpui ve em em a.

Khang hunlai kha chuan Christmas putar kha ka lo ngaisang thin hle a. A awm tak tak lo a ni tih ka hriat phei chuan ka rilru hi a na em em ringawt mai ani. Mahse tun hnua ka ngaihtuah leh hian hmana ka 'christmas pitar leh putar (now MOM and DAD)' hi chu ka la ngaisang ber tho mai ani.

Unau pathum te chu....

E khai! Chhungkaw nu ber nih chuan blog pawh kan ngaihtuah chang lo tep thin a nih hi. Ka lo update lohna a rei ta hle mai. Nitinin computer hmaa thu ni mah ila mahni tan hian hun hi neih a lo har khawp.

Ka rilru hi Ab initio (ETL tool) hian a luah hneh khawp a. Ka mumangah pawh unau pathum hian zanah meilum an lo ai a. A upa ber chu mipa a ni a, a hming chu Extraction chuan a nau chiah hmeichhe Transformation hnenah chuan "Ka tha neih zawng zawng hmangin Data source atangin ka tih tur chu ka extract tawh a, tunah i duty ti ve rawh" a ti a. Transformation chuan "E! Tehreng mai, keini hmeichhia te chuan transform chu nuam kan ti a, kan thiam zawng tak alawm!!" a lo ti ve leh a. A tih tur chu a han ti a. A component duh ber 'Reformat' leh 'Redefine format' hmangin a duh tawkin a han chei vel a. Chutichuan a nau Loading hnenah chuan "Nau-a, i tih tur chiah a hmabak ta e. I u tena kan tih sa zawng zawng hi output file ah han load teh le...." a ti a. A nau chu thuawih thei tak a nih avangin, a kal a, a tih tur chu a ti ve ta a.

Hemi te unau chu an va tangrual tehreng em! An hmabak a tih tur an hre bawk si a, an tihtur ah an bel bawk si. Zirtur tam tak kan nei ta a ni. Chutichuan, an unau hi keini ang miduang chuan Data Warehousing kan ti daih.